БЕСТ Скопје организира уште еден инженерски натпревар – EBEC

BEST-Skopje-organizira-ushte-eden-inzenerski-natprevar-EBEC.jpg

БЕСТ Скопје организира уште еден инженерски натпревар – EBEC

Бордот на Европски Студенти по Технологија – БЕСТ Скопје, од 15 до 18 февруари оваа година по осми пат организира инженерски натпревар – EBEC со кој им нуди шанса на македонските студенти да ги истакнат своите способности за креативно решавање на инженерски проблеми, а на компаниите соработнички им овозможува директен контакт со најдобрите студенти и одлична шанса за нивна регрутација.

Натпреварот ќе се одржи во просториите на компаниите IT Labs, кои се наши годишни партнери, како и Dox Team, кои се овогодишни соработници за EBEC.

Во склоп на натпреварот ќе се одржи и Локален настан за образование (Local Event on Education) на тема „Традиционални наспроти современи методи на предавање – Патот до успешна работна кариера?“.

Во следните два дена учесниците ќе се натпреваруваат во две категории: Case Study & Team Design во просториите на IT Labs и Dox Team, а на 18 fevruari ќе се одржи официјалното затворање на настанот.

Работата на учесниците ќе биде следена и оценувана од страна на стручно жири составено од претставници од компаниите, како и професори од техничките факултети при УКИМ.

EBEC е кратенка од Европски БЕСТ Инженерски Натпревар (European BEST Engineering Competition) и секоја година се одржува во три рунди: локална, регионална и интернационална. Победниците на локалната рунда ќе отпатуваат оваа пролет во Мостар, Босна и Херцеговина, каде што ќе се натпреваруваат со победниците на останатите локални рунди од регионот. Најдобрите групи од регионалните рунди пак, ова лето ќе имаат можност да ги покажат своите способности пред европските студенти и професори во Брно, Чешка, како и да се запознаат и да разменат искуства со претставниците од компаниите – партнери на EBEC.

За повеќе информации околу настанот посетете ја официјалната веб страница ebec.best.org.mk, а доколку сакате да се пријавите, тоа можете да го сторите на следниов линк: https://goo.gl/rpNvGO.

БЕСТ- Борд на Европски Студенти по Технологија е непрофитна и неполитичка организација целосно водена од студенти. Наша цел е континуирано да придонесуваме за културен и академски развој, како и зближување на студентите од цела Европа.

БЕСТ на студентите им дава можност да го да го прошират своето знаење за теми кои го надополнуваат нивното образование преку организирање академски курсеви, инженерски натпревари, симпозиуми за едукација, тренинзи и културни размени.

БЕСТ исто така се стреми да го прошири пазарот на трудот преку саеми за вработување и кариера, работилници, воедно и водење на интернационален центар за кариера.

Што мислиш ти?
  • Ви се допаѓа оваа вест? Препорачајте ја на Вашите пријателите преку следниве сервиси:
  • Mail