Бронзен медал за танчерите со Даунов синдром од Македонија на светски натпревар за модерни танци

sara.jpg

Tанчарите со Даунов синдром од танцовото студио „Дансерс јунајтед МК“ го освоија бронзениот медал на Светското првенство во модерни танци, што се одржува во Копенхаген, Данска.

Екипата е составена од танчарите Ана Беќарска, Моника Бисовска, Христијан Стојанов, Дарко Ефтимовски, Ена Митревска, Александар Матовски и Оливер Блажевски, предводени од нивните ментори и тренери Сара Кочан, Нермин Кочан и Виолета Балшевска.

– Горди на нашите танчери, ја носиме бронзата во Македонија – рече Сара Кочан.

Танчарите од „Дансерс јунајтед МК“ се натпреваруваа во интегративна паратанц група во хип хоп. Првото и второто место во оваа група го освоија танчари од Германија.

Ова е второ учество на танчарите со Даунов синдром на Светското првенство во модерни танци.

Што мислиш ти?
  • Ви се допаѓа оваа вест? Препорачајте ја на Вашите пријателите преку следниве сервиси:
  • Mail
Top