Ден на старт-ап бизниси на ФТБЛ

3e90415866f70e86c9c79cbfa6d48a93_XL.jpg

Факултетот за туризам и бизнис логистика неодамна организираше Ден на старт-ап бизниси.

Студентите кои имаат претприемнички дух и визија за започнување на сопствен бизнис имаа можност преку активен повик од организаторите да достават своја бизнис-идеја. Меѓу организаторите на овој настан беше и Центарот за климатски промени во Гевгелија. Постапката за избор на бизнис идеите се одвиваше во неколку фази. Во првата фаза заинтересираните студенти електронски ги доставија концептите за бизнис идеи, со краток опис на бизнис идејата, а на денот на настанот студентите ги разработија своите бизнис планови, подготвија детален опис на бизнис-идејата и истите ги презентираа. На настанот учествуваа 30 студенти од насоките Туризам и Бизнис логистика, а 14 студенти пријавија своја бизнис-идеја.

Најдобрите бизнис-идеи ќе бидат оценети според претходно објавениот критериум со поени од страна на организаторите.

За трите најдобри и иновативни идеи ќе следува награда која ќе се однесува на обезбедување на менторство и консултации околу започнувањето бизнис со времетраење од еден, два и три месеци. Резултатите од конкурсот ќе бидат објавени по одржувањето на настанот Ден на старт-ап бизниси.

Целта на конкурсот и настанот е да се унапреди претприемништвото и да се намали невработеноста преку стимулирање на претприемничките способности кај младите.

Што мислиш ти?
  • Ви се допаѓа оваа вест? Препорачајте ја на Вашите пријателите преку следниве сервиси:
  • Mail