Двајца пациенти починаа, а уште 4 се хоспитализирани на Инфективна поради непозната заразна болест

doktor.jpg

Двајца пациенти од гостиварско починаа на Инфективна клиника поради заразна болест во период од три дена, од кои едниот утринава. Еден бил на возраст од 50, а друг на 24 години. Покрај нив, хоспитализирани се уште четири лица од тој регион кои во моментов се наоѓаат во изолација, потврди директорот на клиниката и претседател на комисијата за заразни болести, Звонко Миленковиќ.

Починатите биле фамилијарно поврзани, според нашите информации од селото Симница, а крво се поврзани и дел од останатите пациенти.

– Болеста има брз карактер. Пациентите се донесени се со висока температура и пролив. Инфекцијата ги зафатила црниот дроб, бубрезите и други органи. Се пренесува од животни на луѓе, има низок степен на опасност од пренесување од човек на човек и затоа нема простор од паника – рече директорот на Инфективната клиника.

Надлежните се уште испитуваат со која болест се заразиле ниту пак посочија од што се пренесува болеста. Едни од многуте претпоставки е дека станува збор за хеморагична треска, како и тоа дека заразата е пренесена од инсекти. Меѓутоа лекарите засега не сакаа да шпекулираат.

На Инфективната клиника, велат, ниту имало ниту во моментов е прогласен карантин. Она што е познато е и дека епидемиолозите се на терен, се испитува состојбата по што Центарот за јавно здравје ќе одлучи дали ќе се прогласи епидемија или не.

Што мислиш ти?
  • Ви се допаѓа оваа вест? Препорачајте ја на Вашите пријателите преку следниве сервиси:
  • Mail