Ефикасно ли е да си ги миеме рацете со студена вода?

washing-hands.jpg

Миењето на рацете со студена вода е исто толку ефикасно за уништување на микробите, колку и користењето на топла вода, пишува Дејли експрес, повикувајќи се на резултатите од едно американско истражување.

Авторите од Универзитетот Рутгерс утврдиле дека без разлика дали рацете се мијат со студена вода на температура од 15 степени Целзиусови или со топла – 37,7 степени Целзиусови, ефектот е ист.

Специјалистите откриле исто дека антибактерискиот сапун не е поефикасен од обичниот за уништување на микробите.

Истражувачите истакнуваат уште дека независно од сапунот и температурата на водата, најдобро е рацете да се мијат под млаз минимум 10 секунди за да се отстранат штетните бактерии, меѓу кои и оние кои предизвикуваат труење со храна.

Научниците веруваат дека откритието не само што ќе придонесе за спасувањето на планетата, бидејќи при употреба на ладна вода се штеди повеќе енергија, туку и ќе се подобрат хигиенските стандарди при ракувањето со храна.

Што мислиш ти?
  • Ви се допаѓа оваа вест? Препорачајте ја на Вашите пријателите преку следниве сервиси:
  • Mail