Филипнскиот претседател призна дека лично тој убивал нарко дилери

Претседателот на Филипините Родриго Дутерте призна дека лично убивал осомничени за злосторства – наркодилери, кога работел како градоначалник во градот Давао. Ова го пишува „TJournal“.

Во соопштение на филипинскиот лидер се посочува дека тоа билое направено во рамките на борбата против наркоманијата и трговијата со дрога. Дутерте ги повика граѓаните на земјата да ги убиваат нарко дилерите.

Претседателот го аргументира својот повик против дилерите, велејќи дека убивал осомничени, за да им покаже на полицајците дека тие самите можат тоа да го сторат.

“Во Давао јас тоа го правев лично. За да им покажам на момчињата од полицијата дека штом јас можам да го направам тоа, тогаш и тие можат. Возев мотор низ Давао и патролирав по улиците. Всушност барав некој нарко дилер, за да убијам некого “, истакна Дутерте.

Филипинскиот лидер истакна дека нема намера да го прекине походот против наркоманијата.