engraved-rock.png

Францускиот град Плугастел-Даулас нуди околу 2.250 долари за некој што ќе им помогне да го деифрираат написот изгравиран во камен, кој се наоѓа на локална плажа. Откако бил пронајден каменот пред неколку години, никој досега не успеал да го дешифрира напишаното.

Каменот е голем колку еден човек и се наоѓа на патека до плажа од градот Илиен ар Гвен, а може да се види само кога е осека. Според мештаните, написот е составен од околу 20 редови текст, а меѓу другото се забележуваат следните делови од зборови: ROC AR B… DRE AR GRIO SE EVELOH AR VIRIONES BAOAVEL… R I OBBIIE: BRISBVILAR… FROIK…AL.

Во текстот може да се забележи скандинавската буква Ø, нешто што личи на чамец и срце. Исто така, може да се забележат и годините 1786 и 1787.

„Викнавме историчари и археолози од околината, но досега никој не успеа да ја открие приказната која ја крие карпата. си рековме можеби има некој друг во светот кој може да ни помогне. Наместо да не мачи помислата дека не знаеме што пишува, решивме да стартуваме натпревар” велат мештаните.

Натпреварот го носи официјалното име „The Champollion Mystery at Plougastel-Daoulas” во чест на францускиот историчар и лингвист Жан Франсоа Шамполион, кој бил првиот што го дешифрирал розета каменот.

Секој што сака да се обиде да ја дешифрира изгравираната порака може да се регистрира во канцеларијата на градоначалникот, која ќе им даде пристап до фотографии од каменот. Досега пријавени се неколку стотини луше. Натпреварот ќе заврши во ноември, кога панел од експерти ќе ги изнесе интерпретациите на напишаното и најточниот превод ќе ја добие наградата.

Има еден факт кој може да помогне во решавањето на мистеријата. Во 1786 и 1787 година оваа боласт била населена со војници. Можно е некој војник да го изгравирал каменот. Но, можеби не може да се дешифрира пораката затоа што се уште има јазици и написи кои археолозите и лингвистите не успеале да ги преведат.

Што мислиш ти?
  • Ви се допаѓа оваа вест? Препорачајте ја на Вашите пријателите преку следниве сервиси:
  • Mail