ФТБЛ на 10. Регионален форум за здравствен, велнес и спа туризам во Белград

d3a6ffb9fa95acd07ae12a9b3648acf3_XL.jpg

Десеттиот регионален форум за здравствен, велнес и спа туризам, што се одржа на 22 октомври во хотелот „Холидеј ин“ во Белград, собра учесници, предавачи и експерти за велнес и спа туризам од 10 европски држави.

За време на бројните предавања и презентации посетителите можеа да слушнат како најдобро може да се поврзат културното наследство и здравјето, велнес и спа туризмот. Од Факултетот за туризам и бизнис логистика на форумот учествуваа проф. д-р Тања Ангелкова-Петкова и ас. м-р Цветанка Ристова-Магловска.

Асистент м-р Цветанка Ристова-Магловска како панелист на форумот зборуваше за можноста да се стави културното наследство во функција на туризмот и потребата да се создаде таков производ за сите оние туристи што доаѓаат во македонските бањи за рекреација и заздравување, да имаат можност во слободното време да го посетат културно-историското наследство на државата. Во кратка презентација беа прикажани неколку видови на македонско културно-историско наследство каде што во минатото била застапена спа традицијата.
За време на форумот посетителите можеа да ја слушнат и презентацијата на Јанка Залесакова, потпретседател на Европската спа асоцијација, која зборуваше за европските традиционални бањи во минатото и денес, но и за нивното место во здравствениот туризам и системот за здравствена заштита.

Исто така, посетителите имаа можност да се запознаат со актуелните трендови во велнес и спа туризмот, да се запознаат со претходниците на спа туризмот во регионот, но и да слушнат инспиративни предавања и презентации од говорници како Мајк Валас, експерт и консултант за велнес и спа, Јоаким Либер, почесен генерален секретар на Европската спа асоцијација и претседател на Здружението „Квалитет во здравствената превенција“ и Тобиас Биленштајн, управен директор на Римските термални бањи во Европа.

На форумот своја презентација имаа и добитниците на овогодишната награда ЕСПА „Награда за иновација“.

Извор: УГД Лифе

Што мислиш ти?
  • Ви се допаѓа оваа вест? Препорачајте ја на Вашите пријателите преку следниве сервиси:
  • Mail