Инфицирана крв со ХИВ и хепатит Ц им била давана на пациенти

hiv.jpg

Велика Британија ќе спроведе јавна истрага за заразената крв која во 70-те и 80-те години од минатиот век е користена кај пациенти во Државната здравствена служба (НХС), а се проценува дека поради тоа починале околу 2.400 лица, соопшти денеска британската Влада.

Во текот на 70-те и 80-те години од минатиот век крвните производи кои се доставувани до НХС биле заразени со вируси на хепатит Ц и ХИВ, поради што илјадници луѓе добиле хемофилија и други болести.

Британскиот министер за здравство Филип Дан изјави дека голем број документи биле јавно објавени.

Според извештајот на пратениците од 2015 година, Одделот за здравство проценил дека над 30.000 лица биле заразени со вирусот на хепатит Ц од 1970 до 1991 година, периодот кога Велика Британија увезувала крвни производи од САД, но оти само 6.000 се идентификувани.

Во периодот од 1978 до 1985 година идентификувани се 1.500 лица со вирусот ХИВ.

Што мислиш ти?
  • Ви се допаѓа оваа вест? Препорачајте ја на Вашите пријателите преку следниве сервиси:
  • Mail