Информативна кампања за проектот „ЕУ – e-здравствено право и Северна Македонија: од практика до имплементација“

Informativna-kampanja-za-proektot-EU-e-zdravstveno-pravo-i-Severna-Makedonija-od-praktika-do-implementacija.jpg

Информативна кампања за проектот „ЕУ – e-здравствено право и Северна Македонија: од практика до имплементација“

Тимот од професори од Универзитетот „Гоце Делчев“ – Штип, кој е дел од Жан Моне проект од програмата на Еразмус плус во кој УГД е единствен носител, организира информативна кампања со која сите заинтересирани подетално ќе се запознаат со содржината и целите на проектот.

За потсетување, УГД првпат е единствен носител на Жан Моне проект од програмата Еразмус плус  „ЕУ – e-здравствено право и Северна Македонија: од практика до имплементација“. Информативната кампања ќе се одржи онлајн, на платформата Microsoft teams, на 24.11.2020 година со почеток во 11 часот. Предвидено е да се обрати проректорот за настава на УГД, проф. д-р Мишко Џидров, а проектот ќе го презентира проф. д-р Кристина Мишева од Правниот факултет. За појавата и развојот на европската визија за е-здравство ќе говори проф. д-р Марија Амповска од Правниот факултет, а проф. д-р Трајче Стојанов од Факултетот за образовни науки ќе има презентација за некои биоетички прашања во е-здравството. За здравствениот менаџмент ќе зборува доц. д-р Андреј Петров од Факултетот за медицински науки, а во настанот ќе се вклучат и професори од универзитетите во Загреб и во Прага.

Информативната кампања ќе можат да ја следат сите заинтересирани професори и студенти, за што треба да се пријават на: [email protected].

Извор: УГД

Што мислиш ти?
  • Ви се допаѓа оваа вест? Препорачајте ја на Вашите пријателите преку следниве сервиси:
  • Mail