Лекот за ќелавоста можеби се крие во терапијата против рак

celavost.jpg

Ќелавоста е појава од која почесто страдаат мажите, но ни голем број жени не се поштедени од неа. Исто така, познато е дека одредени терапии, особено оние против рак, може да предизвикаат интензивно губење на косата, а голема улога игра и животниот стил и генетските предиспозиции. Но, токму во нив можеби и се крие лекот за нејзино спречување.

Во студија спроведена од Универзитетот во Манчестер, откриено е дека лек против одредени видови рак, познат како „CsA“, има еден несакан ефект, а тоа е растењето на несакани влакна. Овој лек ја намалува активноста на протеин кој регулира од која фоликула ќе порасне влакно. Сам по себе, овој лек не може да биде третман против ќелавост, но може да се модифицира, заедно со ефектите на друг лек за терапија при остеопороза (WAY-316606), за да се создаде сосема нов третман против несаканото губење на косата.

Секако, спроведен е и практичен експеримент, кога издвоени фоликули биле „нахранети“ со овие лекови и е забележан побрз раст на влакната, но треба уште да се експериментира и истражува за да се дојде до конечен заклучок дали овие фармацевтски компоненти ќе бидат поврзани во таблети или во гел или маст за надворешна употреба. Исто така, во текот на експериментот е покажано дека комбинацијата на лекот против рак и оној што се користи при остеопороза, го обновува и стимулира лачењето на кератин, што значи дека новоизраснатите влакна се цврсти и квалитетни.

Ова значајно откритие спојува два лека кои никогаш претходно не се користеле за третман на ќелавоста и може да донесе целосна револуција во медицинската козметологија.

Што мислиш ти?
  • Ви се допаѓа оваа вест? Препорачајте ја на Вашите пријателите преку следниве сервиси:
  • Mail
Top