Лондон воведува дневни такси од 27,90 евра за возила што премногу загадуваат

London-bus-e1511250612359.jpg

Лондон денеска воведува дневни такси од 27,90 евра за возила што испуштаат високо ниво на загадувачки материи, односно автомобили кои не ги исполнуваат најмалку стандардите на Еуро 6.

Таксата ќе ја плаќаат возачите што возат автомобили во централниот дел на градот, а лондонските власти веруваат дека во борбата за почист воздух оваа мерка е подобра отколку забраната за дизел возила, според Гардијан.

Градоначалникот на Лондон, Садик Кан, им вети на сограѓаните дека ќе ја намали емисијата на штетни гасови од сообраќајот во градот со осум милиони луѓе.

Се проценува дека новите мерки преземени од лондонските власти ќе погодат околу 2,5 милиони автомобили и комбиња за транспорт во градот.

Според ФАЗ, германските градови размислуваат за забрана на дизел возила за намалување на загадувањето, а британскиот главен град се обидува на друг начин да ја постигне таа цел.

Што мислиш ти?
  • Ви се допаѓа оваа вест? Препорачајте ја на Вашите пријателите преку следниве сервиси:
  • Mail