Меѓународниот фонд на Вишеград доделува стипендии за македонски студенти

Меѓународниот фонд на Вишеград за академската 2019/2020 година доделува стипендии за редовни, магистерски, докторски и постдокторски студии во сите научни дисциплини за студирање на високообразовни институции во земјите на Вишеград (Чешка, Словачка, Унгарија и Полска).

Стипендиите се наменети за државјани од 12 земји, вклучително и од Република Македонија. За студентите стипендијата изнесува  2.300 eвра по семестар, а 1.500 eвра по семестар се за институцијата домаќин. Рокот за аплицирање е до 15 март 2019.