Модерното родителство ке произведе генерации на себични и некултурни деца

20161028-modernoto-roditelstvo-kje-proizvede-generacii-na-sebichni-i-nekulturni-deca-m.jpg

Јас верувам дека сé може да се реши и не треба да се драматизира без потреба. Затоа морам да кажам дека модерното родителство има сериозен проблем, а се надевам дека ќе слушате многу внимателно…

Работев со деца ширум светот, а во последните две децении сé почесто се сретнувам со коментари од родители, кои како и мене сметаат дека постојат огромни проблеми. Еве кои се најголемите. Почнавме да се плашиме за своите деца. Кога наутро правиме појадок и подгреваме млеко за децата, ако кажат дека сакаат поинаков прелив или било што што повеќе им одговара, почнуваме да паничиме и да менуваме сé по нивна желба, само за да ги задоволиме. Грешка!

Кој е во таа приказна родител, зошто сѐ мора да биде по нивно? Никому не треба постојано да му наредувате, но не треба себе си да си создавате дополнителни потешкотии, со тоа што ќе ги задоволувате со сé. Запрашајте се каква лекција на тој начин им давате: дека ќе добијат што сакаат, кога ќе посакаат. Дали?

Кога децата се однесуваат лошо, родителите често се склони да кажат дека „така прават децата“. Верувајте, не е така. Децата се во состојба да направат многу повеќе од очекуваното, без разлика дали се работи за манири, почитување кон постарите, самоконтрола или великодушност. Мислите дека децата не знаат да седат пристојно во ресторан на вечера, или пак зад себе да средат и расчистат? Тоа е глупост, затоа што единствена причина за да мислите така е тоа што не им давате никогаш можност да научат. Подигнете ги границите на очекувањата и ќе видете што сѐ се во состојба да надминат.

Го изгубивме чувството дека и други учествуваат во процесот на случувањата на нашето дете. Порано тоа беа наставниците, шоферите на автобусите, пријателите, родителите на другите децата со кои тоа се дружи… Потоа одеднаш се случи да се нервираме секогаш кога другите ќе кажат нешто за нашето дете, затоа што тие немаат право да зборуваат како тие се однесуваат. Сепак тоа се наши деца. Ги поддржуваме само оние што се согласуваат со нашиот начин на воспитување, иако тој не е исправен воопшто. Премногу ги поседуваме децата и имаме ексклузивно право само ние да имаме влијание на нивниот раст и развој.

Технолошките можности се одлични за поедноставување на работите. Можеме да нарачаме храна кога сме уморни од работа, со притискање на копче имаме готово јадење. Проверуваме сметка во банка со еден клик. Тоа е импресивно, но сé има и свои мани. Децата треба да се учат на трпение, а во опкружување во кое сѐ им е достапно, тоа не е возможно. Ако мислат дека храната се спрема за 3 минути, никогаш нема да сакаат да научат да готват и нема да ја научат разликата меѓу храната што е зготвена дома и во која е вложен труд и онаа што доаѓа од надвор. Затоа Вие како родители треба да им објаснете на своите деца кои се предностите од пократките патишта во животот, како оние технолошките, така и останатите од секојдневниот живот.

Објаснете им кои се предностите на чекањето и трпението

Одеднаш сите Ваши потреби не се примарни, што делумно се очекува. Не се веќе ни на второ место, а единствено што знаете дека оние на децата се први. Се залагам за тоа децата да бидат на прво место, но без да се запоставите себе си. Така често се случува мајките и татковците сто пати да стануваат од креветот за да ги проверат децата. Не постои ништо лошо во тоа некогаш да се каже НЕ. Постојат едноставни ситуации во кои сосема е оправдано да се каже „не“ и да им се објасни на децата зошто тоа го правите. Без разлика колку сакате да ги задоволите, треба да знаете дека сосема е во ред да мислите и на себе.

Се плашам дека иднината ќе биде со последици, ако не почнеме да работиме на поправање на овие неколку грешки. Децата ќе пораснат во себични, нетрпеливи и некултурни возрасни. Тоа нема да биде нивна грешка, туку наша. Затоа, ве молам, родители ширум светот борете се повеќе. Давајте се себе си помалку. Оставете децата да се развиваат и спремете ги дека треба да бидат успешни во реалниот свет кој сте го создале за нив, но морате да ги пуштите да научат сами!

Што мислиш ти?
  • Ви се допаѓа оваа вест? Препорачајте ја на Вашите пријателите преку следниве сервиси:
  • Mail