celik.jpg

Истражувачи од Универзитетот Хокаидо развиле мек и растеглив материјал кој е 5 пати поцврст од јаглеродниот челик, истовремено имајќи ги флексибилните карактеристики на гумата.

Овој зајакнат материјал е резултат на комбинација од хидрогелови кои вообичаено се наоѓаат во продукти како контактни леќи и слично и е досега најцврстиот мек материјал создаден од човекот.

Новиот композит зајакнат со влакна демонстрира исклучителна цврстина и истегнувачки својства, а според количината на енергија потребна за да се уништи, тој е околу 100 пати поцврст од регуларните хидрогелови, и 25 пати поцврст од обичните стаклени влакна.

Овој јапонски хидрогел нуди многу потенцијални апликации благодарејќи на неговата сигурност, издржливост и флексибилност, а една од нив би била изработката на вештачки лигаменти и тетиви, кои се предмет на силни тензии во телото. Материјалот би бил идеален како замена за биолошките ткива – вештачките зглобови направени од него би биле уште поцврсти отколку природните, а тимот истражувачи веќе е во преговори за потенцијална колаборација со неколку разни компании за развивање на импланти со вештачка ‘рскавица.

Покрај изработката на вештачки делови за телото, би можел да се употреби и во спортската и заштитна облека како шлемовите и панцирните елеци.

 

Што мислиш ти?
  • Ви се допаѓа оваа вест? Препорачајте ја на Вашите пријателите преку следниве сервиси:
  • Mail