Нов светски хотелски бренд во Македонија! „Хилтон“ се отвора на 1 јануари 2019

hilton-e1545980844336.jpg

Лоциран покрај кејот на реката Вардар близу мостот „Близнак“ во општина Аеродром, хотелот “Double Tree by Hilton” е најновиот  во хотелската понуда во Скопје. Објектот на пет ката со едно подниво зафаќа површина од 22.000 метри квадратни. Инвестицијата вредна 50 милиони евра која моментно вработува 100 лица.

Како што беше речено на вечерашниот прием по повод официјалното отворање кое треба да се случи кон крајот на јануари 2019, „Хилтон“ располага со 170 соби, 15 апартмани од кои еден претседателски, модерни спа и фитнес центри, традиционална турска бања, пет конференциски сали, три ресторани…

„Реализиравме сериозен проект со кој може да се гордее цела Македонија. Го обезбедивме највисокото ниво во хотелиерството. Го донесовме „Хилтон“ кој досега беше присутен во 120 држави со вкупно 5.500 хотели. Како бизнисмен присутен на македонскиот пазар преку 25 години, горд сум на оваа инвестиција и нејзиното реализирање во полн сјај“, рече инвеститорот Ајдован Адемоски.

Тој нагласи дека објектот освен што е импонзантен однадвор, енергетски е ефикасен и има врвно хортикултурно уредување. На проектот, нагласи, се работело интензивно две години.

-Многу сум среќен што Скопје и Македонија добија ваков хотел. Ова значи нов имиџ, но и порака за многу инвеститори дека земјава е надежна дестинација за чие било вложување. Како премиер се гордеам на ваквата инвестиција и сметам дека е одлична најава за 2019-та која ќе биде економска година, потенцира Зоран Заев кој беше меѓу присутните на приемот.

Генералниот директор на „Хилтон“ Ерџан Ќосе информира дека првиот гостин што треба да пристигне на 1 јануари е Грк.

Што мислиш ти?
  • Ви се допаѓа оваа вест? Препорачајте ја на Вашите пријателите преку следниве сервиси:
  • Mail