Нова држава во Европа – Има околу 50 илјади лица од 77 националности

farski-ostrovi.jpg

Малата и оддалечена автономна област Фарските Острови, кои се наоѓаат на 990 километри од Данска, се соочуваат со најголемиот предизвик во својата историја – „одвојување“ на својата независност и отцепување како самостојна држава.

Фарските Острови се протегаат среде Атлантскиот Океан, меѓу Норвешка и Исланд. Областа им е близу 1400 квадратни километри, а населението – околу 50 илјади лица од 77 националности. Во моментов тие не се дел од Европската унија, иако се дел од Данска. На островите се наоѓа и единствениот мост над Атлантикот во светот.

Парламентот на Фарските Острови одлучи на 25 април 2018 година да се одржи референдум на кој ќе се одлучи дали ентитетот има потреба од нов устав. Ставот на Данска е дека таа нема да ги спречи, ако сакаат независност,.

Во моментов токму Данска одговара за одбраната, органите на редот, надворешната и монетарната политика на островите. Исто така плаќа и субвенција од околу 100 милиони долари за локалната економија. Контрадикција помеѓу двете страни е локалниот јазик, кој Данска не дозволува да се користи како официјален. Интересен факт е дека на Фарските Острови нема затвори и криминалците се транспортираат до Данска.

Премиерот на автономната област Аксел Јохансен смета дека по независноста на земјата, следниот чекор е референдум за членство во ЕУ. Тој е на мислење дека одговорноста за донесување на важни одлуки, треба да се префрли на граѓаните. „Тоа ќе биде триумф за Фарскиот народ и демократијата на Фарските Острови“, категоричен е тој.

Граѓаните на островите се поделени речиси половина за позиција за независност и отцепување од Данска. Во 1946 година е одржан референдум за одвојување на островот, на кој 51% од жителите гласаа за отцепување, но Данска не испочитува резултатот.

Што мислиш ти?
  • Ви се допаѓа оваа вест? Препорачајте ја на Вашите пријателите преку следниве сервиси:
  • Mail