Ново откритие на археолозите менува се што знаеме за еволуцијата

ostatok.jpg

Израелските археолози пронашле остатоци од речиси 200.000 години стари човечки коски од вилица во планината Кармел, предвидувајќи дека тоа откритие ќе промени се што знаеме за еволуцијата.

https://studenti.mk/konkursi-2018-2019/

Пронајдените коски чија старост од 177.000 до 194.000 години сугерира дека Хомо сапиенс веќе ја напуштил Африка преку Блискиот исток и го населил остатокот од светот, во време кога според поранешните истражувања, се мислеше дека луѓето се уште ги правеле своите први еволуциони чекори околу своето постоење.

„Ова е навистина нешто поинакво“, изјави археологот Мина Еврон од Универзитетот во Хаифи.

Еврон објаснува дека горната лева коска од вилицата со осум добро зачувани заби била пронајдена уште во 2002 година во една пештера.

На Меѓународниот тим од повеќе од 30 експерти, вклучувајќи и палеотолози од Шпанија, Кина и други земји, им биле потребни толку многу години за проучување на тоа откритие, со цел да се утврди точната старост на коските, бидејќи се коси со се што досега сме знаеле за човечката еволуција, смета Еврон.

Неодамна поголемиот дел од научниците се сложуваа дека првиот модерен Хомо Сапиенс најпрво се појавил пред 200.000 години во источна Африка, судејќи според остатоци пронајде во Етиопија во текот на шеесеттите и седумдесеттите години од минатиот век.

Според генетското истражување тие предци на луѓето од Африка излегле меѓу 70.000 до 60.000 години, повремено мешајќи се со Неандерталците, додека се ширеле по светот.

Сега, меѓутоа се чини дека Хомо сапиенс се развил многу порано од тоа што се мислеше досега, напуштајќи ја Африка во повеќе бранови.

„Оној момент кога ќе кажете дека постои Хомо сапиенс во Израел пред 170.000 до 200.000 години, одеднаш сите делови од сложувалката почнуваат да се склопуваат“, изјави професорот Хершковиќ, главен научник во магазинот Science.

Што мислиш ти?
  • Ви се допаѓа оваа вест? Препорачајте ја на Вашите пријателите преку следниве сервиси:
  • Mail
Top