Обдукцијата покажа: Студентката на Табановце родила живо бебе па го фрлила во канта

tabanovce.jpeg

Живо родено било бебето, кое студентка од Скопје го фрли во корпа за отпадоци во тоалет на граничниот премин Табановци во март оваа година и замина на апсолвентска екскурзија во странство, покажале разултатите од обдукцијата што стигнале во Основното јавно обвинителство во Куманово.

„Резултатите од вештачењето на фетусот што беше пронајден кон крајот на март годинава во тоалет на граничниот премин Табановце покажуваат дека новороденчето било живо неколку минути. Надлежниот јавен обвинител од Основното јавно обвинителство – Куманово продолжува со истражната постапка и нареди дополнителни вештачења, – одговорија од обвинителството за САКАМДАКАЖАМ.МК.

Настанот се случил на 29 март, кога студентката Т.И.(23) од Скопје, која била во поодмината бременост тргнала со своите колеги на екскурзија. Додека чекала на граничниот премин да ја поминат пасошката контрола почувствувала силни болки во стомакот и заминала во тоалетот. Таму се породила и го фрлила бебето во корпа за отпадоци, по што го покрила со хартија. Потоа се вратила во автобусот и продолжила со патувањето.Бидејќи и се влошила здравствената состојба била примена на гинеколошко одделение во Прага, Чешка.

Мртвото новороденче било пронајдено наредниот ден додека вработените го чистеле тоалетот. Случајот бил пријавен во Кумановската полиција, а по прегледување на камерите и во соработка со организаторите на ексурзијата утврден е идентитетот на мајката. На 18 април кога се вратила од патувањето девојката била приведена.

Т.И. ќе одговара за убиство на дете при породување. Таа се бранела во полиција дека не знаела оти е бремена.

Што мислиш ти?
  • Ви се допаѓа оваа вест? Препорачајте ја на Вашите пријателите преку следниве сервиси:
  • Mail

Напишете коментар

Вашата адреса за е-пошта нема да биде објавена.

This site uses Akismet to reduce spam. Learn how your comment data is processed.