ОГЛАС ЗА ВРАБОТУВАЊЕ ВО ШПАРКАСЕ БАНКА МАКЕДОНИЈА АД СКОПЈЕ

sparkaze.jpg

ШПАРКАСЕ БАНКА МАКЕДОНИЈА АД СКОПЈЕ, дел од групацијата Steiermärkische Bank und Sparkassen AG од Австрија, како комерцијална банка на македонскиот финансиски пазар, ги нуди сите современи и високо квалитетни финансиски производи и дава поддршка на физичките и правни лица, со особено внимание кон малите и средни трговски друштва.

Шпаркасе Банка Македонија АД Скопје за своите потреби огласува слободни работни позиции:
СТРУЧЕН СОРАБОТНИК ЗА БЕЗБЕДНОСТ, ОДДЕЛЕНИЕ ЗА ТРЕЗОР И БЕЗБЕДНОСТ, СЛУЖБА ЗА УПРАВУВАЊЕ СО ИМОТ И БЕЗБЕДНОСТ

(1 позициja, определено време во траење од 6 месеци со можност за продолжување)

Кандидатите треба да ги исполнуваат следниве услови:

VII-1 степен, ВСС, Факултет за безбедност, Eкономски факултет, Правен факултет;
Минимум 3 години работно искуство во иста или слична област; искуство во банкарскиот сектор ќе се смета за предност;
Високо познавање и искуство во техничко и физичко обезбедување, високо познавање и искуство во безбедност и здравје при работа;
Одлично познавање на Microsoft Office, internet, одлично познавање на техничките карактеристики на системите за безбедност, англиски јазик – активно познавање;
Опис на работното место/одговорности:

Управува и го организира физичкото и техничкото обезбедување со цел заштита на вработените имотот на Банката;
Зголемување на степенот на безбедносната култура на вработените (преку обуки и процедури),
Предлага и организира активности за превенција и намалување на ризикот од штетни последици за Банката, вработените и клиентите;
Одговорен за контрола на системите за техничка заштита и физичко обезбедување;
Изработува процедури, упатства и други документи за безбедноста во склад со безбедносниот ризик како и законските регулативи и имплементација на истите;
Активно учествува со предлози за подобрување на безбедноста на Банката;
Води евиденција за сервиси и отклонување на технички проблеми на системите за безбедност;
Одговорен за активности за интервенции во случај на инциденти и загрозување на безбедноста на Банката;
Во соработка со одделението за набавка дава препорака за услугите за физичкотехничко обезбедување и осигурување (анализа на понудите и предлагање на најповолен понудувач),
Одговорен е за активностите на Осигурување на имотот и вработените на Банката, и спроведување на постапка за наплата на штета;
Организирање и спроведување на законот од областа на заштита и безбедност при работа;
Организирање и спроведување на законот од областа на заштита од пожар;
Учествува при договор за осигурување со осигурителната компанија и води евиденција,
Предлага проекти за зголемување на степенот на безбедност на вработените и целиот имот со примена на техничко и физичко обезбедување;
Одговорен за организирање транспорт на вредносни пратки и полнење на банкомати;
Работно време: дневно од 08:00 до 16:00 часот, 40 часа неделно, од понеделник до петок, работа во една смена – претпладне.

Почетна основна месечна нето плата: 28.000,00 денари.

Изборот ќе се изврши во рок од 45, 90 или 120 дена во зависност од бројот на пристигнати апликации.

Заинтересираните кандидати кои ги исполнуваат горе наведените услови потребно е да испратат резиме (CV) и придружно писмо со наведување на работното место и доказ (уверенија, дипломи, препораки) за исполнување на условите, по пошта или да ги достават лично документите на адреса: ул.Македонија 9-11, Скопје, најдоцна до 29.01.2018 година.

Само апликациите кои ги исполнуваат потребните квалификации и услови поткрепени со докази ќе бидат повикани на тестирање и интервју.

Пристигнатите апликации после наведениот рок, апликации пристигнати по e-mail, како и некомплетните апликации нема да бидат предмет на разгледување.

Што мислиш ти?
  • Ви се допаѓа оваа вест? Препорачајте ја на Вашите пријателите преку следниве сервиси:
  • Mail
Top