Основци правеа експерименти на ПМФ во рамки на „Месец на науката“

76612192_422933551709998_6873617166042660864_n-702x336.jpg

Ученици од седмо до деветто одделение од повеќе градови денеска правеа експерименти и покажуваа што научиле во рамки на манифестацијата „Ноември – месец на науката, што се одржува на Природно-математичкиот факултет во Скопје. Учениците имаат можност да слушаат научно-стручни популарни предавања, презентации и работилници, како и да учествуваат во натпревар за изведување експерименти и изработки.

„Настанот се организира во ноември и е наменет е за деца од основно и средно, каде подготвуваат експерименти од природните науки и математиката, ги презентираат и освојуваат прво, второ и трето место, и сертификати за учество. Од стана на студенти, од страна на сите здруженија вклучени во организација на настанот , се подготвуваат предавања и работилници за наставниците и учесниците. Минатата недела кога беа најмладите од прво до шесто одделение, студентите по географија организираа работилница за географија и запознавање со Македонија преку играње плочка, брза географија и читање карти“, појасни Александар Стојановски од Истражувачкото здружение на студенти географи „Природник”.

Организаторите се надеваат дека на овој начин ќе ги зголемат ентузијазмот и креативноста на младите вљубеници во науката и истражувањето. Манифестацијата започна минатата недела, со учениците од прво до шесто одделение, а ќе се затвори на 30 ноември со настани наменети за ученици од средни училишта. Годинава се вклучени 800 ученици.

Главен организатор на манифестацијата е Македонското географско друштво, во соработка со Македонското биолошко друштво, Сојузот на хемичарите и технолозите на Македонија, Друштвото на физичарите на Република Македонија, Сојузот на математичари на Македонија, Македонското астрономско друштво, Скопското астроном­ско друштво, Македонското еколошко друштво, Истражувачкото друштво на студенти биолози, Истражувачко друштво на студенти географи и Природно-математичкиот факултет.

Што мислиш ти?
  • Ви се допаѓа оваа вест? Препорачајте ја на Вашите пријателите преку следниве сервиси:
  • Mail