turcin.jpg

Познатиот турски бизнисмен Шарик Тара, почесниот директор на холдингот ЕНКА, почина на 88 години, јавува Анадолија.

Според наводите на управата на холдингот, еден од најбогатите луѓе во Турција, Тара починал во болницата Аџибадем, во која бил згрижен, поради здраствени проблеми.

Роден е на 22 април 1930 година во Скопје. Со семејството во 1944 година се преселил во Турција. Дипломирал 1954 година на Градежниот факултет на Техничкиот универзитет во Инстамбул. Заедно со зетот, во 1957 година ја основал градежната компанија ЕНКА која ја израснале во една од најголемите компании во Турција.

ЕНКА има голема улога и во Русија во градежништвото како и во инвестирањето во недвижнини, поседува канцеларии, хотел, трговски центри во Москва. ЕНКА е исто така е позната по изградбата на Американската амбасада во Доминиканската Република, Холандија, Индија, Парагвај, Русија, Босна и Херцеговина и многу други земји.

Компанијата е една од најголемите Турски производители на електрична енергија и истата се шири во енергетскиот сектор.

Шарик Тара има мрежа од компании што вреди 5.2 милијарди американски долари.

Што мислиш ти?
  • Ви се допаѓа оваа вест? Препорачајте ја на Вашите пријателите преку следниве сервиси:
  • Mail