9zQ7EzFKo5-poglednete-kako-izgleda-zivotot-vo-vila-na-eden-guverner.jpeg

Сакате да живеете во вила на еден гувернер? Па, доколку одговорот е потврден, мора да се преселите во Калифорнија.

Гевин Њусом неодамна станал гувернер, што значи дека тој и неговото семејство мора да се преселат таму каде што ќе ја извршува функцијата, што во овој случај е Сакраменто. Со самото тоа, тој одлучил да ја продаде својата елегантна вила со пет спални соби во Сан Франциско. Нејзината цена изнесува 5.995 милиони долари.

50-годишниот градоначалник на Сан Франциско и неговата сопруга која се занимава со снимање филмови, Џенифер Сибел Њусом, купиле двоспратна куќа во 2011-та година, по цена од 2.2 милиони долари.

Сместена на површина од 1.37 хектари, на мала оддалеченост од градот, куќата е дизајнирана од страна на славниот архитект Ворлеј К. Вонд и е компелтирана во 1950-та година. Благодарение на прозорите од подот до покривот, оваа куќа ви дава прилика да уживате во панорамската глетка на градот, заливот и планината Тамалпаис.

Додека била во сопственост на гувернерот и неговата сопруга, куќата поминала низ два екстензивни процеси на реновирање, при што последно била предводена од архитектот на славните, Џули Даулинг. Сега, оваа куќа има стаклена површина и современа сива и бела боја.

Со четири деца под 10 години, јасно е дека ова била вистинска семејна куќа, со соби кои се опремени со кревети на спрат, колевки и плишани играчки.

Во екстериерот, густата жива ограда и возвишената позиција на куќата допринесуваат за чувство на приватност и ќе ви дадат можност за уживање во базенот и спа центарот, видиковецот и камперскиот оган, без страв дека ќе ве гледа некој кој не треба.

Њусом инаку е страствен поддржувач на обновливите извори на енергија, па неговата куќа содржи соларни панели кои го покриваат поголемиот дел од покривот.

Извор: точка.мк

Што мислиш ти?
  • Ви се допаѓа оваа вест? Препорачајте ја на Вашите пријателите преку следниве сервиси:
  • Mail