Португалскиот автор Бруно Виејра Амарал во Македонија

roman.jpg

Романот „Првобитните нешта“ од Бруно Виејра Амарал вечер ќе биде промовиран во клубот „Ла Кања“ во Старата скопска чаршија. На промоцијата ќе присуствува и авторот.

Ова е јубилејниот, 150 наслов во „ПРОаЗА“ и прв превод на дело од португалски на македонски јазик во рамки на популарната едиција, за кој беше задолжена Наташа Сарџоска.

Промотор на книгата ќе биде универзитетскиот професор Владимир Мартиновски.

Излегувањето на книгата и гостувањето на авторот во Македонија се дел од проектот „Креативна Европа“ на Европската унија.

Бруно Виејира Амарал (1978) е писател, книжевен критичар и преведувач од Португалија. Дипломирал современа историја на Универзитетскиот институт во Лисабон. Соработувал со разни книжевни списанија и зборници и автор е на разни блогови.

За романот „Првобитните нешта“ во 2013 ги добил наградите „Книга на годината“ на списанието „Тајм Аут“, наградата „Фернандо Намора“, како и ПЕН наградата за проза. Ги објавил и „Водич низ 50-те ликови на португалскиот расказ“ (2013) и „Денес ќе бидеш со мене во рајот“ (2017).

Добитник е на престижната португалска награда за книжевност „Жозе Сарамаго“. Прогласен е за еден од десетте „Нови книжевни гласови на Европа“ за 2016 година.

Што мислиш ти?
  • Ви се допаѓа оваа вест? Препорачајте ја на Вашите пријателите преку следниве сервиси:
  • Mail