Правниот факултет на Универзитетот на Југоисточна Европа стана дел од Европската асоцијација на правни факултети

Pravniot-fakultet-na-Univerzitetot-na-Jugoistochna-Evropa-stana-del-od-Evropskata-asocijacija-na-pravni-fakulteti.png

Правниот факултет на Универзитетот на Југоисточна Европа стана дел од Европската асоцијација на правни факултети

Правниот факултет на Универзитетот на Југоисточна Европа од 03 февруари 2021 година официјално стана дел од престижната мрежа на европски правни факултети – Европската асоцијација на правни факултети – ЕЛФА (European Association of Law Faculties-ELFA), чиј членови се и Правниот факултет од Загреб, Љубљана, Цирих, Виена, Единбург, Линколн, Салцбург, Брисел, Грац, Даблин, Копенхаген итн., што меѓу другото обезбедува и овозможува учество на Правниот факултет на УЈИЕ како член во сите активности организирани од асоцијацијата.

Европската асоцијација на правни факултети денес брои повеќе од 150 члена од четириесет и девет земји и четири континенти и е основана за да го подобри квалитетот на правното образование во Европа.

Асоцијацијата обезбедува платформа за дискутирање и координирање на правното образование и научното правно истражување, вклучително и размена на ставови и добри практики меѓу членовите за предизвиците поврзани со правното образование воопшто, како што се: признавање на стекнатото учење во други земји, мобилноста на студентите и академскиот кадар, дигиталното образование, процесот на реформа на правното образование во Европа, унапредување на соработката меѓу универзитетите во Европа, градење на заеднички правни истражувачки капацитети и застапеност на правните факултети виз-а-ви европските институции, националните образовни институции и здруженијата на адвокати и обвинители.

Извор: УЈИЕ

Што мислиш ти?
  • Ви се допаѓа оваа вест? Препорачајте ја на Вашите пријателите преку следниве сервиси:
  • Mail