rak.jpg

Новиот тест на крвта може да го детектира ракот на дојката пет години пред да се појават првите симптоми на болеста, велат научниците.

Тестот, кој ја идентификува реакцијата на имунолошкиот систем, тела на протеини кои произведуваат ќелии на рак, може да биде достапен во следните четири години.

Ќелиите на рак произведуваат протеини наречени антигени кои го тераат организмот да создава антитела против нив, познати како автоантитела, јавува Скај њуз.

Научниците од Универзитетот Нотингем развиваат тест кој ќе ја идентификува реакцијата на системот за имунитет на антигени поврзани со туморот, бидејќи тие се добар показател за болеста.

Тие развиле таканаречени панели на антигени поврзани со ракот на дојката за да детектираат дали во телото постојат автоантитела против нив во примерок од крвта.

Научниците утврдиле дека е можно да се откријат автоантитела против голем број антигени и до пет години пред појавата на првите клинички симптоми на оваа болест.

Што мислиш ти?
  • Ви се допаѓа оваа вест? Препорачајте ја на Вашите пријателите преку следниве сервиси:
  • Mail