Што се случува со американските знамиња на Месечината?

znaminja.jpg

Фотографиите на НАСА од Месечината направени во 2012, покажуваат дека барем пет од шесте американски знамиња и натаму стојат исправено, но научници тврдат дека поради сончевото повеќедецениско влијание, ја изгубиле бојата.

Ултравиолетовото зрачење на Сонцето ја избледува ткаенината и на Земјата, а бидејќи Месечината нема никаква атмосферска обвивка, знамињата се уште повеќе изложени на зрачењето, објаснуваат стручњаците.

– Некои знамиња можеби веќе и се распаднале… Во овие 40 години, знамињата биле изложени на сурови услови – наизменично: 14 дена силно Сонце, на 100 степени Целзиусови, па 14 дена леден мрак, од минус 150 степени Целзиусови. Но, на платното уште повеќе му штети интензивното ултравиолетово зрачење на чистата, „нефилтрирана“ сончева светлина, пишува експертот Пол Спудис во свој напис во списанието „Ер енд Спејс“.

– Америка се откажа од истражувањето на Месечината, и знамињата таму избледеле, зарем не е тоа иронично?, се прашува Спудис.

Што мислиш ти?
  • Ви се допаѓа оваа вест? Препорачајте ја на Вашите пријателите преку следниве сервиси:
  • Mail