Симпозиум на Правен факултет: Правните предмети се недоволно застапени во средното образование

1d9a33d11ed57ea93d90495bbcf425d2_XL.jpg

Правниот факултет при УГД преку својата неодамна формирана мрежа со средните училишта во Македонија организираше симпозиум на тема „Мрежата за демократија и владеење на право преку образование“.

– Тоа што го констатиравме на минатиот состанок со мрежата што ја формиравме беа, меѓу другото, и проблемите кои се однесуваат на недоволната застапеност на правните предмети во гимназиите и во средните стручни училишта, пред сѐ економските. Тука е и недоволната застапеност или распределеност на предметите кои припаѓаат во општествените науки. Тоа предизвикува и недоволен интерес на учениците кон овој тип на образование. Исто така, она што мрежата има за цел е да бидат повеќе застапени во постоечките предмети темите кои се однесуваат на демократијата, владеењето на правото и на човековите права. Средното образование е местото каде што државата ги образова и креира нашите идни граѓани – изјави деканот на Правниот факултет, проф. д-р Јован Ананиев.

Настанот се одржи во Правниот факултет при УГД, а беа присутни претставници на средни училишта од целиот регион.

Што мислиш ти?
  • Ви се допаѓа оваа вест? Препорачајте ја на Вашите пријателите преку следниве сервиси:
  • Mail