Студентите на УГД победија на Државен натпревар по ораторство

7407c3defbd08fb25d56b10c570c3f39_XL.jpg

Студентите на УГД однесоа прво и трето место на традиционалниот Државен натпревар по ораторство, кој се организира по повод 9 мај – Денот на Европа и Денот на победата над фашизмот. Меѓууниверзитетскиот натпревар по јавно говорење беше на тема „Активни млади – жива демократија“.

Настанот е во организација нa Европското движење на Македонија, а оваа година домаќин на настанот беше Универзитетот „Св. Климент Охридски“ во Битола. На настанот учествуваа и тројца студенти-оратори од Универзитетот „Гоце Делчев“ – Штип, кои воедно се и членови на Клубот на оратори: Ана Михаиловска – прва година, Факултет за природни и технички науки; Марија Kоцева – трета година, Правен факултет и Адријан Стефанов – трета година Филолошки факултет.

Притоа, Ана Михаиловска го освои првото место на оваа значајна манифестација, додека пак нејзината колешка Марија Коцева го освои третото место во официјалната конкуренција на држење говор на зададена тема.

Студентите беа менторирани од доц. д-р Димитар Апасиев од Правниот факултет при УГД.

Што мислиш ти?
  • Ви се допаѓа оваа вест? Препорачајте ја на Вашите пријателите преку следниве сервиси:
  • Mail