41.jpg

Околу 1600 средношколци се пријавија во првиот уписен рок на Универзитетот „Гоце Делчев“ во Штип. Интересот за УГД и оваа година останува релативно голем кај матурантите, а бројката се очекува да се зголемува во вториот и во третиот уписен рок.

Проректорот на УГД, проф. д-р Кирил Барбареев, информира дека во рамките на оваа бројка се и 120 странски студенти од Турција, Србија и од Бугарија. Пополнети се квотите за општа медицина и на студиската програма за медицински сестри, каде што има голем интерес.

– Во моментов ќе се консултираат студентите за нивната втора и трета опција. Се очекува и во вториот уписен рок да има голем интерес за Факултетот за медицински науки – вели Барбареев.

Тој истакна дека бројот на студенти на Факултетот за информатика, Филолошкиот, Економскиот и Правниот факултет е исклучително добар.

– Генерално, постои некој баланс меѓу општествените и хуманистичките науки и меѓу техничките и природните науки. Кога ќе се соберат сите бројки, може да се каже дека сите факултети и центри на Универзитетот ќе имаат пристојна бројка, соодветна за нормална работа и функционирање на факултетите – рече Барбареев.

Идните студенти, кои се примени во првиот уписен рок, можат да се запишат на факултетите и на академиите на 12 и 13 септември, а веќе од 14 до 17 септември ќе биде и вториот уписен рок на оние факултети, каде што има слободни места за одредени студиски програми.

Универзитетот веќе се подготвува и за првиот академски час, кој оваа година е на 1 октомври.

Што мислиш ти?
  • Ви се допаѓа оваа вест? Препорачајте ја на Вашите пријателите преку следниве сервиси:
  • Mail