На состанокот присуствуваше комплетниот проект менаџмент тим на УГД и Општина Пробиштип со проект менаџерот м-р Васко Златковски, техничките лица за проектот проф. д-р Ѓорѓи Димов и Марјан Михајлов и проф. Такис Манијос од Техничкиот институт во Крит. Клучна расправа водеа техничките лица и двајцата експерти од Универзитет „Гоце Делчев“, проф. д-р Дејан Мираковски и проф. д-р Марија Хаџи-Николова, со техничките лица, претставници од Општината, директорот на комуналното претпријатие за собирање отпад и сопствениците на хотелите вклучени во проектот. Главната дискусија беше за поедноставување на системот „плати колку ќе фрлаш“ и локацијата на автокомопостерите кои ќе го преработуваат биоотпадот до биоѓубриво.
Идејата за лоцирање на автокомпостерите е дел од една подолгорочна визија за промена на навиките на луѓето – селекција, сепарација и рециклирање на отпадот. Иако Општина Пробиштип би била пилот-проект во Македонија, истата добра пракса може да се преслика во сите општини низ Македонија.
„Биоотпад“ е проект финансиран од Европската комисија според програмата Балкан – Медитеран. Вреден е 1 300 000 евра и трае 24 месеци. УГД е вклучен во тимот менаџирање, технички лица и експертиза.
Извор: UGD Life
