Вештачката интелигенција ќе доделува затворски казни за криминалците

kriminalci.jpg

За да може правично да се носат одлуки за притворање или пуштање на слобода на осомничени за казнени дела полицијата од англискиот град Дурам наскоро ќе добие интересна помош – вештачка интелигенција.

Тестирањето на системот наречен Hart (Harm Assessment Risk Tool) почна во 2013 година, а системот користеше податоци од полициската база од 2008 до 2012 година врз основа на кои го проценуваше ризикот од пуштање на слобода на затворениците.

Врз база на досеијата на криминалци и некои други податоци како полот и местото на живеење Hart проценуваше колкава е веројатноста осомничените да извршат кривично дело, а во текот на тест периодот алгоритамот не влијаеше на носењето на одлуките од страна на полицијата.

Проценките кои ги направи Hart беа анализирани и се покажа дека системот бил во право во 98% од случаите кога проценил дека постои мал ризик некој да изврши кривично дело, додека кај тие со голем ризик бил во право во 88% од случаите.

Што мислиш ти?
  • Ви се допаѓа оваа вест? Препорачајте ја на Вашите пријателите преку следниве сервиси:
  • Mail