Во Амазонија откриени мистериозни камени кругови

krugovi.jpg

Во амазонските прашуми пронајдени се  мистериозни камени кругови (геоглифи), стари повеќе од 2.000 години. Заради сѐ поголемата сеча на шумите (дефорестација) на тоа подрачје откриени се над 450 геоглифи , кои се простираат на територија од 13.000 км2. По својата необична геометриска структура наликуваат на Стоунхенџ и иако научнииците не знаат точно каква намена имале, се претпоставува дека луѓето ги користеле  како место за ритуални обреди.

И покрај тоа што многумина веруваат дека дефорестацијата со големи размери е релативно нов концепт, поттикнат од индустриската револуција од крајот на 1800-те и почетокот на 1900-те, според истражувачите од Бразил и Велика Британија,  ова откритие укажува дека прашумите не се толку „недопрени“, како што се сметаше.

„Самиот факт дека вакво нешто со векови лежи скрено под вистинска прашума, го оспорува мислењето дека амазонските прашуми претставуваат „недопрени екосистеми“- вели Џнифер Ватинг, истражувач од Музејот за археологија и етнографија во Сан Паоло.

„Сакавме да утврдиме дали областа веќе била пошумена кога овие структури настанале и во колкава мера луѓето влијаеле на околината со навната изработката“.

За потребите на истражувањето, научниците ја реконструирале историјата на вегетација и на пожарите наназад 6.000 години и утврдиле дека луѓето со илјадници години создавале мали привремени чистини за да ги направат овие мистериозни структури. Истажувањата покажале дека домородците  не палеле големи површини шума, ниту за изработка на овие структури, ниту за земјоделски потреби. Наместо тоа се концентрирале на економски вредни врсти на дрвја, на пример палми и на тој начин го менувале своето опкружување.

Што мислиш ти?
  • Ви се допаѓа оваа вест? Препорачајте ја на Вашите пријателите преку следниве сервиси:
  • Mail