Во февруари еден починат од СИДА и пет новорегистрирани со ХИВ

hiv-sida.jpg

Во текот на месец февруари, регистрирани се вкупно пет нови случаи на ХИВ/СИДА и еден смртен случај од СИДА кај претходно евидентирано лице (од возрасната група од 30-39 години, од Тетово).

Сите новорегистрирани случаи се ХИВ позитивни, сите се од машки пол; во однос на возрасната дистрибуција – по два случаи се од возрасните групи од 20-29 години и 30-39 години, и еден припаѓа на возрасната група од 40-49 години. Од вкупниот број регистрирани, 4 лица се припадници на МСМ популацијата. Според местото на живеење два случаи се од Тетово, а по еден е од Скопје, Велес и Куманово. Согласно постоечката евиденција на пријавени случаи (заклучно со 28.02.2019), кумулативниот број на лица регистрирани со ХИВ/СИДА во Македонија, за периодот 1987–2019 изнесува 413. Од вкупниот број на досега регистрирани случаи 100 лица починале, а 313 лица живеат со ХИВ/СИДА.

Во групата на регистрирани сексуално преносливи инфекции (n=8; 0,5%; I=0,4/100.000), во текот на месец февруари пријавени се 7 заболени лица со инфекции предизвикани од хламидија и еден случај на сифилис од регионот на Центар за Јавно здравје Скопје.

Што мислиш ти?
  • Ви се допаѓа оваа вест? Препорачајте ја на Вашите пријателите преку следниве сервиси:
  • Mail