Во Франција ”никна” првото европско е-дрво

6994353_6178ca61879d273a7de26bb5b0174493f899c98e_1000x625-640x400.jpg

Невообичаено дрво со големи листови во форма на квадрат, кои служат како соларни панели ”никна” во Неверс, градот во централна Франција кој вчера го претстави првото европско ”е-дрво” чии фотоволтаични плочи ќе овозможат полнење на мобилни и електрични уреди, сурфање на интернет или заштита од сончевите зраци.

Е-дрво (eTree) потсетува на еколошките соларни платформи (Green Sun Rising Solar Benches) кои на корисниците им овозможуваат да се засолнат под сенка, да ги наполнат електричните уреди, а им овозможуваат Wi-Fi хотспотови.

Инспирирано од стеблото акација-багрем од пустината Негев во Израел, оваа футуристичка конструкција користи соларни панели, монтирани на гранки за складирање на енергија и производство на електрична енергија од сончева светлина.

Користејќи ја оваа енергија, е-дрвото ги полни мобилните уреди, овозможува бесплатно Wi-Fi, а LCD дисплејот дава информации од типот колкава количина на електрична енергија е произведена на дрвото. Може да послужи и како ноќно осветлување.

”Пронајдокот е плод на соработка помеѓу две компании од Франција и Израел, чиј прототип е произведен во 2014та година,” вели градоначалникот на Неверс

Првото е-дрво е поставено во 2014та година во Израел, од страна на компанијата за обновливи извори Sologic, а првото функционално е-дрво е претставено во 2015та година на конференцијата за климатски промени COP 21, одржана во Франција.

Освен во Израел, повеќе е-дрва се поставени во САД и Казахстан.

извор: enauka.mk

Што мислиш ти?
  • Ви се допаѓа оваа вест? Препорачајте ја на Вашите пријателите преку следниве сервиси:
  • Mail