nevrabotenost-1.jpg

Во Македонија 24 доктори на науки и 767 магистри се без работа.

Овие податоци се објавени на веб страницата на Агенцијата за вработување. 14 мажи и 10 жени доктори  на науки се евидентирани како невработени, а 308 мажи и 459 жени магистри исто така се со статус невработени.

Ова покажува дека патот до вработување не е лесен, дури и за луѓето кои вложиле во своето образование.

Бајрам Бајрамовски од Куманово, магистер по социјална работа и политика, со години барал работа во Македонија, но не успеал, по што одлучил да замине во странство.

„За жал работа најдов надвор од нашата држава. Во Македонија чекав 5 години и немаше работа за мене. Аплицирав за Германија, чекав 6 месеци и добив работна виза. Многу време бев вклучен во невладин сектор во Македонија, но немав државна работа, и бев приморан да ја напуштам својата држава и да заминам надвор за подобар живот. Во 2012 година магистрирав, а во 2017 година заминав надвор од државата. Сега сум во Германија, овде работам, имам добиено престој, овде не се гледа партија, туку се цени знаење и квалификација“, вели Бајрамовски.

Младата Ивана од Пехчево која е магистер по филозифија, 4 години барала работа, по што успеала да се вработи во приватен сектор за мала плата.

„Не се цени знаење, само врски. На младите им советувам да бидат благодарни на своето знаење, кое го стекнале со труд, а не да се радуваат на работно место кое го добиле со врски, без знаење, односно да не се радуваат не незаслужена работа“, вели таа.

Во земјава најголем број од невработените се со основно образование или помалку, односно во бројки 51.846.

12.305 се со непотополно средно училиште. 26.679 од неработените во земјава имаат завршено средно образование, додека 1.370 се со виша школа, а 10.092 се со завршен факултет.

Сања Атанасовска за Фактор.мк

Што мислиш ти?
  • Ви се допаѓа оваа вест? Препорачајте ја на Вашите пријателите преку следниве сервиси:
  • Mail