42999641_2214624825214918_8390148858172145664_o.jpg

Во организација на МАНУ, Меѓународен Славјански Универзитет „Г. Р. Державин“ и Филозофското друштво на Македонија од 3 до 5 октомври 2018 година се одржува 4-тиот Меѓународен филозофски дијалог на тема „Биоетиката на крстопат“.

Свеченото отварање се одржа денес во МАНУ со почеток од 11:00 часот по што продолжи работниот дел од собирот со првата сесија. Денес со свои излагања настапија академик Георги Старделов, академик Владо Камбовски, проф. д-р Ивица Келам (Хрватска), проф. д-р Марија Тодоровска и Љубомир Гајдов.

На овој собир учество земаат дваесетина врвни и истакнати светски филозофи и научници од областа на биоетиката од 7 земји (Канада, Русија, Грција, Албанија, Хрватска, Србија и Македонија). Ова е еден од најзначајните научни собири во земјата и регионот, судејќи според квалитетот на учесниците.

На 04.10.2018 година во просториите на МСУ „Г. Р. Державин“ во Битола ќе бидат одржани наредните работни сесии. Работниот дел од собирот завршува на 05.10.2018 година во Куќата на Уранија во Охрид.

Што мислиш ти?
  • Ви се допаѓа оваа вест? Препорачајте ја на Вашите пријателите преку следниве сервиси:
  • Mail