Воената академија објави конкурс за пилоти

voena-akdemija.jpg

Воената академија „Генерал Михаило Апостолски“ денеска објави конкурс за пилоти на кој може да се пријават лица не постари од 28 години и кои имаат завршено високо образование. Заинтересираните може да испратат апликација со потребните документи од денеска до 9 март.

Од Министерството за одбрана наведуваат дека при приемот предвид ќе се зема успехот на кандидатите од завршеното високо образование и проверките за физичка подготвеност. Натамошната селекција се состои од проверка на познавање на англискиот јазик, здравствени проверки и селекција на земја и во воздух која се врши во Центарот за обука на пилоти, кој претставува еден од најусовршените центри за обука на пилоти во Југоисточна Европа.

Конкурсот може да се најде во дневните весници во Република Македонија, како и на веб-страниците на Министерството за одбрана, www.morm.gov.mk и Воената академија, www.ma.edu.mk.

Овој конкурс, велат од МО, отвора уникатна можност за секој млад граѓанин на Македонија да ги тестира своите можности, капацитети и знаење и да биде воен пилот во Армијата на Република Македонија.

Што мислиш ти?
  • Ви се допаѓа оваа вест? Препорачајте ја на Вашите пријателите преку следниве сервиси:
  • Mail
Top